Ағымдағы жылы тамыз, қыркүйек айларында аталмыш акция аясында оқушыларды жаңа оқу жылына дайындау науқанына №1 мектеп ұжымы да атсалысты. Мектеп директоры М.Ж.Акмағанбетова, директордың оқу-тәрбие ісі жөніндегі орынбасары Ж.К.Тулеубекова, әлеуметтік педагог Калкеева П.Р. сынып жетекшілерімен бірлесе аудан бойынша рейдтік тексерулерге шығып, аз қамтылған жанұя балаларына көмектесу үшін демеушілер іздестіру жұмыстарын жүргізді.
  №1 мектеп ұжымының «Мектепке жол» акциясын қызу қолдап, жұмыстануының нәтижесінде оқушылар оқу жылына ұйымшылдықпен келіп отыр. Бұл шара балаларды білімге жұмылдырып, оқуға деген қызығушылығын арттыратын бірден-бір дұрыс қадам.